Përsëritet pas një muaji serish historia. 17-vjeçari Limon Sallaku, më 15 shkurt humbi jetën pasi u ndje keq në ambientet e jashtme të shkollës profesionale “Ali Myftiu”, ndërsa nxënësit e denoncuan si një fenomen të frikshëm, se shumë nxënësve të tjerë iu ka rënë të fikët pa asnjë arsye.
Sot raportohet se një tjetër nxënësi i ka rënë të fikët “Ky është rasti i 7 që përsëritet në dy muaj”,- thonë ata.
Mësohet se në dy muajt e fundit rastet e përsëritura janë shtatë dhe se nxënësit pranojnë që kanë frikë të shkojnë në shkollë .
Të rinjtë thonë se kjo “dukuri” ka sjellë jo pak probleme, ndërsa shprehen se kushtet e shkollës ku mësojnë nuk janë aspak normale.
Kujtojmë se i riu Limon Sallaku nuk kishte shfaqur kurrë më parë asnjë shqetësim ndërsa shokët tregojnë se atij i ra të fikët në momentin që po qëndronte në oborrin e shkollës. Gjendje kjo që më pas i solli vdekjen, duke shtuar edhe vonesën e ndihmës së shpejtë.
